Yangiliklar/Ekologiya

Dam olish kunlari O‘zbekistonda havo 25 darajagacha isiydi

Ekologiya 20 noyabr, 16:34
 Dam olish kunlari O‘zbekistonda havo 25 darajagacha isiydi

Dam olish kunlari O‘zbekistonda asosan quruq va iliq ob-havo saqlanib qoladi, deb xabar berdi O‘zgidromet.

Kechasi havo harorati +9…+14 darajani tashkil etadi. Kunduzi esa harorat asta-sekin +20…+25 darajagacha ko‘tariladi.

21-noyabr, shanba kuni Samarqand va Qashqadaryo viloyatlarining ayrim joylarida biroz yomg‘ir yog‘ishi mumkin. Yakshanba kuni mamlakat shimolidagi ayrim hududlarda yog‘ingarchilik kutilmoqda.

21-noyabrda tog‘li hududlarning ayrim joylarida yomg‘ir va qor yog‘adi.

Sharqdan sekundiga 7–12 metr tezlikda shamol esadi. Ayrim joylarda shamol tezligi 13–18 metrgacha kuchayishi, ba’zi hududlarda chang-to‘zon kuzatilishi mumkin.

Ba’zi joylarga tuman tushishi kutilmoqda. Bu, ayniqsa, tungi va ertalabki vaqtda hamda tog‘ yo‘llarida ko‘rish masofasini qisqartirishi mumkin.

Toshkentda ob-havo

Toshkentda dam olish kunlari yog‘ingarchilik kutilmaydi.

Kechasi havo harorati +11…+13 daraja, kunduzi +20…+22 daraja bo‘ladi. Sharqiy shamol sekundiga 3–8 metr tezlikda esadi.

4810

Telegramga obuna böling

Sönggi yangiliklar bilan tanişing

→