O‘zbekistonda dam olish kunlari 6–8-noyabr kunlariga ob-havo

O‘zgidromet prognoziga ko‘ra, 6–8-noyabr kunlari O‘zbekistonning katta qismida ob-havo quruq va issiq bo‘ladi. Yomg‘ir faqat Qoraqalpog‘iston Respublikasi va Xorazm viloyatining ayrim joylarida yog‘ishi mumkin.

Kechasi harorat +14…+17 darajani, kunduzi +25…+27 darajani tashkil etadi, mamlakat janubida esa +30 darajagacha ko‘tariladi. Shamol sharqdan 7–12 m/s tezlikda esadi. 6 va 8-noyabr kunlari shamolning tezligi joylarda 13–18 m/s gacha kuchayishi, ayrim hududlarda chang-to‘zonlar kuzatilishi mumkin.

Tog‘oldi va tog‘li hududlarda joylarda yomg‘ir yog‘adi, 6-noyabrda ba’zi joylarda kuchli bo‘ladi. Baland tog‘larda yomg‘ir qorga aylanishi ehtimoli bor.

Toshkentda 6-noyabr kuni kechqurun yomg‘ir yog‘ishi kutilmoqda, 7 va 8-noyabr kunlari esa yog‘ingarchilik bo‘lmaydi. Shamol sharqdan 3–8 m/s tezlikda esadi. Harorat kechasi +13…+15, kunduzi +24…+27 daraja issiq bo‘ladi.