Sanatoriy yo‘llanmasini qanday olish mumkin?

Adliya vazirligi keksalar va nogironligi bo‘lgan shaxslar uchun sanatoriy yo‘llanmalarini olish tartibini eslatdi.

Arizalarni Yagona interaktiv davlat xizmatlari portali my.gov.uz orqali, Davlat xizmatlari markazlarida yoki «Inson» ijtimoiy xizmatlar markazlari orqali topshirish mumkin.

Amaldagi tartibga ko‘ra, yo‘llanma asosida davolanish va sog‘lomlashtirish kursi 10 kun davom etadi.

Yo‘llanmalar bepul beriladi, biroq ular navbat asosida taqsimlanadi. Bunda ikki omil hisobga olinadi:

• sanatoriylardagi bo‘sh o‘rinlar soni;
• davlat budjetidan ajratilgan mablag‘lar hajmi.

Navbatga turish uchun katta hajmdagi hujjatlar to‘plamini yig‘ish talab etilmaydi. Ariza quyidagi usullarda topshirilishi mumkin:

• my.gov.uz portali orqali onlayn;
• Davlat xizmatlari markazlari orqali;
• «Yagona milliy ijtimoiy himoya» tizimi orqali;
• tuman va shaharlaridagi «Inson» ijtimoiy xizmatlar markazlari orqali.

Yo‘llanmalar elektron navbat asosida va mavjud o‘rinlardan kelib chiqib beriladi.