Raqobat qo‘mitasi onlayn platformalarni murojaatlar soni bo‘yicha reytingladi

2026-yilning o‘tgan davrida Raqobat qo‘mitasiga elektron tijorat bo‘yicha 1230 ta murojaat kelib tushdi. Ularning 704 tasi iste’molchilar foydasiga hal qilindi.

Eng ko‘p murojaat qayd etilgan platformalar:

1. Uzum Market — 446 ta;
2. Uzum Nasiya — 184 ta;
3. Alif Shop — 92 ta;
4. Ishonch — 69 ta;
5. Yandex xizmatlari — 63 ta.

Uzum Market va Uzum Nasiya jami murojaatlarning 51,2 foizini tashkil etdi. Qo‘mita murojaatlarning qanchasi asosli deb topilganini platformalar kesimida ochiqlamadi.

Tahlil davomida elektron shartnomalar, muddatli to‘lov, yetkazib berish va pulni qaytarish bilan bog‘liq tizimli muammolar aniqlangan. Qo‘mita onlayn platformalar mas’uliyatini kuchaytirish va nizolarni sudgacha raqamli shaklda hal qilishni taklif etdi.