Oʻzbekistondagi kvartiralar narxi yil davomida 6% ga oshdi

Markaziy bank hisobotiga ko‘ra, 2026-yilning ikkinchi choragida O‘zbekistonda 74,4 mingta ko‘chmas mulk oldi-sotdi bitimi tuzilgan. Bu o‘tgan yilning shu davriga nisbatan deyarli o‘zgarmagan.

Iyun oyida:

• birlamchi bozorda kvartiralar narxi so‘mda 6,2 foizga, dollarda 12 foizga oshgan;
• ikkilamchi bozorda narxlar so‘mda 6,3 foizga, dollarda 12,2 foizga ko‘tarilgan.

Markaziy bank qayd etishicha, uy-joy narxlari Toshkentga nisbatan hududlarda tezroq o‘smoqda. Bunga hududlardagi pastroq narx bazasi, aholi daromadlarining ortishi va qurilish faolligining kengayishi sabab bo‘lmoqda.

Shu bilan birga, Toshkentda yer uchastkalari narxining pasayishi davom etgan. Iyun oyida poytaxtda 100 kvadrat metr yerning o‘rtacha narxi 292 million so‘mni tashkil etib, o‘tgan yilga nisbatan 9 foizga kamaygan.