Bolalar ombudsmani jabrlangan bola haqidagi tasdiqlanmagan ma’lumotlarni tarqatmaslikka chaqirdi

Avvalroq Namanganda bolalar bog‘chasida ombor mudiri besh yoshli qizchani zo‘rlashda gumon qilinayotgani haqida xabar berilgan edi. Gumonlanuvchi qamoqqa olingan, unga nisbatan Jinoyat kodeksining 118-moddasi 4-qismi — 14 yoshga to‘lmagan shaxsni zo‘rlash moddasi bilan jinoyat ishi qo‘zg‘atilgan.
Bolalar ombudsmani matbuot xizmatining ma’lum qilishicha, holat yuzasidan Jinoyat kodeksining 112-moddasi 1-qismi — o‘ldirish yoki zo‘rlik ishlatish bilan qo‘rqitish moddasi bo‘yicha ham jinoyat ishi qo‘zg‘atilgan.
Bolalar ombudsmani mazkur ish doirasida jabrlangan bolaning qonuniy manfaatlari ta’minlanishini monitoring qilmoqda.
Ombudsman idorasi ta’kidlashicha, ish voyaga yetmagan bola bilan bog‘liq bo‘lgani sababli voqea yuzasidan tasdiqlanmagan ma’lumotlarni tarqatish bolaning huquqlari, sha’ni va qadr-qimmatiga zarar yetkazishi mumkin.
OAV va ijtimoiy tarmoq foydalanuvchilariga bunday holatlarni yoritishda bolaning manfaatlariga rioya qilish hamda faqat vakolatli tashkilotlar tomonidan rasman e’lon qilingan ma’lumotlarga tayanish tavsiya etildi.
«Inson» ijtimoiy xizmatlar hududiy markazi mutaxassislari bolaga va uning oilasiga zarur yordam ko‘rsatishni davom ettirmoqda.
Telegramga obuna böling
Sönggi yangiliklar bilan tanişing
Tavsiya etamiz

Milliy gvardiya SIga ega dronlar va robotlarni sinovdan o‘tkazmoqda: yil oxirigacha ularni Toshkent bog‘lariga chiqarish rejalashtirilgan

Toshkentning Chilonzor va Uchtepa tumanlarida 14-noyabr kuni soat 15:00 dan 16:00 gacha elektr ta’minotida uzilishlar bo‘lishi mumkin

Diyora Keldiyorova Zagreb Gran-prisida bronza medalini qo‘lga kiritdi

“O‘zatom”: Jizzaxdagi AES loyihasi amaliy bosqichga o‘tdi
