O‘g‘lini dars qoldirgani uchun urgan ona 3 sutkaga qamaldi

Oʻzbekistonda sud 10 yoshli oʻgʻlini darsdan tashqari mashgʻulotlarga qatnashmagani uchun urgan onani ma’muriy javobgarlikka tortdi. Bola oʻqish oʻrniga doʻstlari bilan sayrga chiqdi. Bundan xabar topgan onasi unga baqirib, urib, yengil tan jarohati yetkazgan. Voqeadan keyin bola mustaqil ravishda 102 raqamiga qoʻngʻiroq qilgan.

Sud hukmi bilan ayol 3 sutkaga ma’muriy qamoqqa olindi. U oʻz aybiga toʻliq iqror boʻldi, oʻgʻlidan kechirim soʻradi va unga qarshi boshqa kuch ishlatmaslikka va’da berdi. Bolaning otasi nima boʻlganidan bexabarligini aytib, jazoni yengillashtirishni soʻragan.