Namanganda xalqaro svarka maktabi ochiladi

Oʻzbekiston Migratsiya agentligi va Slovakiya payvandlash ilmiy-tadqiqot instituti (VÚZ) oʻrtasida amaliy hamkorlik toʻgʻrisida shartnoma imzolandi.

Kelishuvlar doirasida Namanganda zamonaviy xalqaro payvandlash maktabi tashkil etiladi. U yerda oʻqitish xalqaro standartlar asosida Slovakiya va Yevropaning boshqa mamlakatlari mutaxassislari ishtirokida oʻtkazilishi rejalashtirilgan.

VÚZ payvandlash texnologiyasi sohasida Slovakiyadagi yetakchi tadqiqot institutlaridan biri hisoblanadi. Tashkilot 75 yillik tajribaga ega va IIW va EWF tizimlarida mutaxassislarni xalqaro sertifikatlash huquqiga ega.

Oʻqishni tugatgandan soʻng, bitiruvchilar xalqaro IIW/EWF sertifikatlarini olishlari mumkin boʻladi. Bunday hujjatlarning mavjudligi xorijda, shu jumladan Yevropa mamlakatlarida talab yuqori boʻlgan va yuqori haq toʻlanadigan boʻsh ish oʻrinlariga ariza topshirish imkonini beradi.