Toshkentda 20 kilogrammdan ortiq opiy va gashish musodara qilindi

Oʻzbekiston Davlat xavfsizlik xizmati xodimlari Toshkent shahrida 20 kilogrammdan ortiq narkotik moddalarni musodara qildi. Surxondaryo viloyatida tugʻilgan 58 yoshli fuqaroning vaqtinchalik yashash joyini koʻzdan kechirish chogʻida 13 kilogramm 50 gr opiy va 7 kilogramm 137 gr gashish aniqlangan.

Qoʻlga olingan shaxsga nisbatan Jinoyat kodeksining 246-moddasi (kontrabanda) va 273-moddasi (giyohvandlik vositalarini qonunga xilof ravishda tayyorlash, olish, saqlash va sotish) bilan jinoyat ishi qoʻzgʻatilgan. Tergov doirasida gumonlanuvchining sheriklari va giyohvandlik manbalarini aniqlash choralari koʻrilmoqda.