Sberbank NEO: yuz orqali to‘lovni qo‘llab-quvvatlaydigan yangi terminal taqdim etildi

Sankt-Peterburg xalqaro iqtisodiy forumida Sberbank yangi NEO toʻlov terminalini taqdim etdi – dunyodagi birinchi, sun’iy intellekt texnologiyalari bilan toʻliq integratsiyalashgan. Qurilma odatiy cheklovlarsiz tez va qulay hisob-kitoblar uchun moʻljallangan.

Futuristik dizaynga ega NEO terminali foydalanuvchiga moslashadi. U orqali bank kartasi, smartfon, QR-kod va hatto yuz orqali ham to‘lovni amalga oshirish mumkin.

Asosiy yangilik — “tabassum bilan to‘lash” funksiyasi. Bu imkoniyat yuzni aniqlash texnologiyasi orqali ishlaydi. Qurilmaga 3D xaritalash tizimi, moslashuvchan yoritish va sun’iy intellekt algoritmlari o‘rnatilgan. Shu sababli terminal mijozni tez va aniq taniy oladi.

Sberbank ma’lumotiga ko‘ra, NEO murakkab yoritish sharoitlarida ham foydalanuvchini to‘g‘ri aniqlaydi. Bu esa xatolik ehtimolini kamaytiradi va to‘lov jarayonini barqaror qiladi.