Mehribonlik uylari tarbiyalanuvchilari oʻrtasida oʻtkazilgan jahon chempionatida Oʻzbekiston gʻolib bo‘ldi

Mehribonlik uylari tarbiyalanuvchilari oʻrtasida oʻtkazilgan futbol boʻyicha XI jahon chempionatida Oʻzbekiston terma jamoasi gʻolib chiqdi. Turnir Varshavada (Polsha) boʻlib oʻtdi.

Unda Oʻzbekiston nomidan Toshkent shahridagi 22-Mehribonlik uyi tarbiyalanuvchilaridan tuzilgan jamoa ishtirok etdi. Turnir davomida u birorta uchrashuvda magʻlubiyatga uchramay, ishonchli oʻyin koʻrsatdi.

Jamoa jami yettita uchrashuv oʻtkazib, ularning barchasida gʻalaba qozonib, finalga chiqdi. Hal qiluvchi bahsda oʻzbekistonliklar ham raqiblaridan kuchliroq boʻlishdi.

Musobaqada dunyoning turli davlatlaridan 35 ta jamoa ishtirok etdi.