Chorsuda yongʻin chiqqani haqidagi xabarlar tasdiqlanmadi

29-may kuni ijtimoiy tarmoqlarda Toshkentdagi Chorsu bozorida yongʻin sodir boʻlgani haqidagi xabarlar tarqaldi. Favqulodda vaziyatlar vazirligi vaziyatga izoh berdi.

Boshqarma ma’lumotlariga koʻra, ertalab Shayxontoxur tumani Sakchamon koʻchasida joylashgan bozorda yongʻin sodir boʻlgani haqida signal kelib tushgan. Voqea joyiga qutqaruv xizmatlari soat 10:06 da yetib kelgan.

Ma’lum boʻlishicha, doʻkonlardan birining yertoʻlasida elektr kabeli erib, tutun chiqqan. Yongʻin qayd etilmagan.

Hodisa oqibatida jabrlanganlar yoʻq. Hodisa sabablari va ehtimoliy zarar aniqlanmoqda.