Italiya Ormuz bo‘g‘ozi orqali gumanitar yo‘lak yaratishni taklif qildi

Italiya tashqi ishlar vaziri Antonio Tayani o‘g‘itlar va boshqa zarur yuklarni tashish uchun Ormuz bo‘g‘ozi orqali gumanitar yo‘lak yaratishni taklif qildi. Bu tashabbus Buyuk Britaniya tomonidan tashkil etilgan, Eron bo‘yicha o‘tkazilgan onlayn yig‘ilishda bildirildi.

Tayanining aytishicha, ushbu strategik dengiz yo‘liga barqaror kirish imkoniyati Afrika davlatlarida yuzaga kelishi mumkin bo‘lgan oziq-ovqat tanqisligini oldini olishda muhim omil bo‘lib xizmat qiladi. U loyihani amalga oshirish BMT bilan hamkorlikda olib borilishi kerakligini ta’kidladi, chunki ko‘p tomonlama yondashuv kemalar harakatining xavfsizligini ta’minlash va mintaqaviy savdoga ta’sir qiluvchi xavflarni kamaytirishga yordam beradi.

Taklifni muhokamada ishtirok etgan Niderlandiya va BAA vakillari ham qo‘llab-quvvatladi. Ormuz bo‘g‘ozidagi vaziyat keskinlashgan bir paytda, ushbu tashabbus yuk tashishdagi uzilishlarni kamaytirish va o‘g‘it hamda oziq-ovqat bozorlariga qo‘shimcha bosim tushishini oldini olishga qaratilgan yuzaga chora sifatida ko‘rilmoqda.