Mirziyoyev va Saudiya Arabiston shahzodasi telefon orqali muloqot qildi

O‘zbekiston Prezidenti Shavkat Mirziyoyev Saudiya Arabistoni shahzodasi va hukumat rahbari Muhammad bin Salmon Ol Saud bilan telefon orqali muloqot qildi.

Suhbat avvalida yetakchilar o‘tgan Ramazon hayiti munosabati bilan samimiy tabriklar bildirib, o‘zaro yordam an’analarini asrab-avaylash muhimligini ta’kidladilar.

Muhokamaning markaziy masalalaridan biri Yaqin Sharqdagi vaziyat edi. Mirziyoyev va bin Salmon mintaqada keskinlik kuchayib borayotganidan jiddiy xavotir bildirdi va bundan keyin ham keskinlashuvning oldini olish nafaqat Yaqin Sharq mamlakatlari, balki xalqaro barqarorlik uchun ham zarurligini taʼkidladi.

O‘zbekiston Prezidenti mamlakatimiz Saudiya Arabistonini bugungi og‘ir damlarda qo‘llab-quvvatlashiga ishontirib, Umra ziyoratiga boradigan o‘zbekistonliklarga ko‘rsatilayotgan e’tibor va yordam uchun minnatdorlik bildirdi.

Shahzoda, o‘z navbatida, Toshkentning samimiy munosabati va do‘stona pozitsiyasini yuqori baholadi. Suhbat natijasida tomonlar ikki tomonlama munosabatlarni yangi rivojlanish bosqichiga olib chiqish maqsadida turli darajadagi aloqalarni faollashtirish va hamkorlikni chuqurlashtirishga kelishib oldilar.