O‘zbekistonda 2027-yildan turoperatorlar uchun QQSning nol stavkasi joriy etiladi

2027-yil 1-yanvardan O‘zbekiston rezidenti bo‘lgan turoperatorlarning xorijiy sayyohlarga ko‘rsatgan xizmatlariga QQSning nol stavkasi qo‘llaniladi. Bu prezidentning 2026-yil 27-avgustdagi PF-175-son farmonida belgilangan.

Amaldagi tartibga ko‘ra, ushbu xizmatlar uchun QQS stavkasi 12 foizni tashkil etadi.

Bundan tashqari, turoperatorlar uchun boshqa soliq imtiyozlari ham nazarda tutilgan.

2024-yil 1-oktabrdan boshlab turoperatorlarga to‘langan QQSning 20 foizi qaytariladi. Ushbu tartib kompaniyaning reyting darajasidan qat’i nazar qo‘llaniladi.

Shuningdek, 2026-yil 1-iyundan 2030-yil 1-yanvargacha turoperatorlar QQSni hisoblash va to‘lashning soddalashtirilgan tartibini ixtiyoriy tanlashi mumkin. U quyidagilarni nazarda tutadi:

• QQS stavkasi — 6 foiz;
• foyda solig‘i stavkasi — 0 foiz;
• foyda solig‘i bo‘yicha hisobot topshirilmaydi.