Oʻzbekistonda mobil internet tezligi yil boshidan beri 27% ga oshdi

O‘zbekiston 2026-yil avgust yakunlariga ko‘ra Speedtest Global Index xalqaro reytingidagi o‘rnini yaxshiladi. Mamlakat mobil hamda fiksatsiyalangan internet tezligi bo‘yicha birdaniga uch pog‘onaga ko‘tarildi.

Mamlakatda mobil internet tezligi 62,42 Mbit/s dan 65,27 Mbit/s gacha oshdi. Shu hisobiga O‘zbekiston jahon reytingida 75-o‘rindan 72-o‘ringa ko‘tarildi.

So‘nggi besh yil ichida respublika mobil internet tezligi bo‘yicha o‘z o‘rnini 65 pog‘onaga yaxshiladi, bu esa mintaqadagi eng sezilarli yaxshilanishlardan biri bo‘ldi. Ijobiy dinamika fiksatsiyalangan internet segmentida ham kuzatilmoqda. Yuklab olishning o‘rtacha tezligi 94,23 Mbit/s dan 94,50 Mbit/s gacha o‘sdi, O‘zbekiston esa global reytingda 76-o‘rindan 73-o‘ringa ko‘tarildi.

MDH mamlakatlari orasida O‘zbekiston fiksatsiyalangan internet tezligi bo‘yicha yetakchi bo‘lib qolmoqda, mintaqadagi eng yaxshi natijani namoyish etmoqda.

2026-yil boshidan beri mobil internet tezligi 27% ga o‘sdi. Agar yanvarda ko‘rsatkich 51,42 Mbit/s bo‘lgan bo‘lsa, avgustga kelib u 65,27 Mbit/s ga yetdi.