Davlat xavfsizlik xizmati xodimlari kubogining yoshlar oʻrtasidagi respublika bosqichiga qur’a tashlash marosimi boʻlib oʻtdi

Yoshlar oʻrtasida futbol va futzal boʻyicha Davlat xavfsizlik xizmati kubogi uchun oʻtkazilayotgan musobaqaning respublika bosqichiga qur’a tashlash marosimi boʻlib oʻtdi. Oltinchi bor oʻtkazilayotgan mazkur turnirda Qoraqalpogʻiston Respublikasi, barcha viloyatlar va Toshkent shahri jamoalari ishtirok etmoqda.

Oʻgʻil bolalar futbol va mini-futbol, ​​qizlar mini-futbol boʻyicha bellashadilar. Qur’a natijalariga koʻra, respublika bosqichi oʻyinlari 17-22 avgust kunlari “Bunyodkor” akademiyasi maydonlarida boʻlib oʻtadi. Final oʻyini 22 avgust kuni "JAR" stadionida boʻlib oʻtadi.