Oʻzbekiston 2030-yilga borib sun’iy intellektga tayyorlik boʻyicha dunyoning eng yaxshi 50 davlati qatoriga kirish niyatida

Prezident Shavkat Mirziyoyev mamlakatda sun’iy intellekt ekotizimini rivojlantirish bo‘yicha taqdimot bilan tanishdi.

Asosiy reja va ko‘rsatkichlar:

• O‘zbekiston sun’iy intellektga tayyorlik bo‘yicha xalqaro reytingda 25 pog‘onaga ko‘tarilib, 62-o‘rinni egalladi.
• 2030-yilga qadar mamlakatni ushbu yo‘nalishda dunyoning eng ilg‘or 50 davlati qatoriga kiritish maqsad qilingan.
• Sun’iy intellekt asosidagi dasturiy mahsulotlar va xizmatlar hajmini 1,5 mlrd dollarga yetkazish rejalashtirilgan.
• Mamlakatda sun’iy intellektdan foydalangan holda 200 dan ortiq yangi loyiha amalga oshiriladi.
• “Raqamli hukumat” data-markazida NVIDIA texnologiyalari asosidagi superkompyuter ishga tushirildi.
• U hisoblash quvvati bo‘yicha jahon reytingida 321-o‘rinni egalladi.
• Ishga tushirilganidan keyingi bir oy ichida klaster yuklamasi 90 foizga yetdi.
• Zamonaviy hisoblash infratuzilmasini yaratishga bugungacha 24 mln dollar yo‘naltirilgan.
• Mavjud klasterni kengaytirish uchun qo‘shimcha 70 mln dollar ajratish taklif qilinmoqda.
• Qoraqalpog‘istonda xorijiy investorlar bilan hamkorlikda yangi data-markazlar qurish loyihalari amalga oshirilmoqda.
• Davlat idoralariga mavjud ma’lumotlar bazalarini xatlovdan o‘tkazish, ularning to‘liqligi, ishonchliligi va o‘zaro mosligini ta’minlash vazifasi yuklatildi.
• 2026-yil yakuniga qadar iqtisodiyot va ijtimoiy sohalarda sun’iy intellekt asosidagi loyihalar soni 100 tadan oshiriladi.
• Sun’iy intellekt yechimlari sog‘liqni saqlash, energetika, transport, bojxona, huquqiy xizmatlar, jamoat xavfsizligi, ekologiya va geologiya sohalarida joriy etiladi.
• IT Park rezidentlari, startaplar va 20 dan ortiq sun’iy intellekt laboratoriyalari bilan hamkorlik kengaytiriladi.
• Sun’iy intellekt yo‘nalishida faoliyat yuritayotgan rezidentlar soni 300 taga yetkaziladi.
• Ular tomonidan ko‘rsatiladigan xizmatlar hajmi 2 trln so‘mga yetishi kutilmoqda.
• Eksport hajmi 160 mln dollarga oshiriladi.
• Hozirgacha 1,5 mln nafardan ortiq foydalanuvchi sun’iy intellekt bo‘yicha sertifikat olgan.
• Maxsus kurslarda 900 nafar rahbar, 3 mingdan ortiq davlat xizmatchisi, 1 ming nafar bank xodimi va 200 nafar maslahatchi o‘qitilgan.
• Kelgusi ikki yil davomida “Besh million sun’iy intellekt yetakchilari” loyihasi to‘liq amalga oshiriladi.
• Maktab o‘quvchilari, talabalar, o‘qituvchilar va keng jamoatchilik uchun zamonaviy o‘quv materiallari ishlab chiqiladi.
• O‘zbekiston Sun’iy intellekt sohasida hamkorlik bo‘yicha Butunjahon tashkiloti (WAICO) ta’sischi davlatlaridan biriga aylandi.

Prezident hisoblash quvvatlarini oshirish, amaliy loyihalar sonini ko‘paytirish, startaplar va iqtidorli yoshlarni qo‘llab-quvvatlash hamda xalqaro hamkorlikni kengaytirish bo‘yicha topshiriqlar berdi.