Favqulodda vaziyatlar vazirligi Bektemir tumanidagi Qoʻyliq bozorining bir qismi faoliyatini toʻxtatdi

5 avgust kuni Toshkent shahar Favqulodda vaziyatlar bosh boshqarmasi Bektemir tumanida joylashgan Qoʻyliq dehqon bozori faoliyatini qisman chekladi. Bunga sabab tekshiruv davomida aniqlangan yongʻin xavfsizligi talablarining buzilishi boʻlgan.

Bozor hududining bir qismi elektr ta’minotidan uzilgan. Mutaxassislarning ta’kidlashicha, aniqlangan qoidabuzarliklar yongʻinning haqiqiy xavfini keltirib chiqaradi va odamlarning hayoti, sogʻligʻi va mulkiga tahdid soladi. Aniqlangan barcha kamchiliklar bartaraf etilgandan soʻng bozor faoliyati toʻliq tiklanadi.