FIFA huquqlarni investorlarga sotish rejalari tufayli UEFA jahon chempionatini boykot qilish bilan tahdid qildi

UEFA va uning tarkibiga kiruvchi barcha 55 ta milliy federatsiyalar FIFAning Jahon chempionati tijoriy huquqlarining bir qismini xususiy investorlarga topshirish tashabbusini bir ovozdan rad etishdi. Agar FIFA bu rejalaridan voz kechmasa, Yevropa jamoalari uning musobaqalarda qatnashmaydi.

UEFA shuningdek, asosiy turnirlarni boshqarish xususiy kompaniyalarga oʻtkazilmasligi kafolatini talab qildi. Bunga FIFAning tashkilotning tijorat faoliyati uchun FIFA Forward Enterprise (FFE) tuzilmasini yaratish rejalari sabab boʻldi. OAV xabarlariga koʻra, ehtimoliy investorlardan biri Donald Trampning kuyovi Jared Kushnerning ukasi Joshua Kushner bilan bogʻliq boʻlgan Thrive Eternal kompaniyasi boʻlishi mumkin.

"Futbol kelajagini faqat asosiy maqsadi daromad olish boʻlganlarning umidlari bilan belgilab boʻlmaydi. Federatsiyalar, klublar, futbolchilar va muxlislar manfaatlari investorlarga bogʻliq boʻlmasligi kerak", deyiladi UEFA bayonotida.

UEFA va FIFA oʻrtasidagi munosabatlar keskinligicha qolmoqda. Avvalroq UEFA FIFAni AQSh prezidenti Donald Tramp 2026-yilgi jahon chempionati vaqtida amerikalik hujumchi Folarin Baloganni chetlatish qaroriga aralashgani uchun “qizil chiziqlarni kesib oʻtishda” ayblagan edi.