Toshkent shahridagi Bobur ekoparki kengaytiriladi, Amir Temur shoh koʻchasi yangilanadi

Oʻzbekiston Prezidenti yordamchisi Saidа Mirziyoyeva poytaxtimizdagi ekologiyani rivojlantirish va yashil hududlarni koʻpaytirish boʻyicha amalga oshirilayotgan ishlar doirasida Toshkent shahridagi bir qator obyektlarni borib koʻrdi.

Sayohat davomida Afrosiyob koʻchasidagi istirohat bogʻi koʻzdan kechirildi – undan barcha toifadagi fuqarolar, jumladan, nogironligi boʻlgan shaxslar ham toʻliq kirishlari rejalashtirilgan. Shuningdek, Sayilgoʻx koʻchasi va Amir Temur shoh koʻchalarini tutash hududlar bilan yangilash, Bobur nomidagi ekopark va Mirzo Ulugʻbek nomidagi istirohat bogʻini kengaytirish loyihalari ham muhokama qilindi.

Mirziyoyevaning soʻzlariga koʻra, Toshkent jadal rivojlanmoqda, biroq shaharda yashil hududlar juda kam. Asosiy maqsad – poytaxtni yashil shahar maqomiga qaytarish, sayr va faol dam olish uchun qulay joylar yaratish, xavfsizlikni oshirish va toʻsiqlarsiz muhitni rivojlantirish.