Biznes-ombudsman 785 nafar mansabdor shaxs jazolangani haqida xabar berdi

2026-yilning birinchi yarmida Oʻzbekiston Biznes-ombudsmanı tomonidan tadbirkorlar huquqlarining buzilishi boʻyicha 1371 ta chora koʻrilgan. Ulardan 865 tasi ma’muriy bayonnomalar, 185 tasi xulosalar, 138 tasi taqdimnomalar, 85 tasi bildirishnomalar va 98 tasi da’vo arizalaridir. Da’volarning umumiy miqdori 24,1 mlrd.soʻmni tashkil etdi.

Murojaatlarni koʻrib chiqish natijalariga koʻra 25 ta noqonuniy qarorlar bekor qilindi. Tadbirkorlarga 13,3 milliard soʻm qaytarildi, yana 11,5 milliard soʻm qarzdorlik hisobdan chiqarildi.

785 nafar mansabdor shaxs ma’muriy javobgarlikka tortildi. Besh kishiga nisbatan jinoiy ish qoʻzgʻatilib, yana 40 nafar mansabdor shaxs intizomiy jazoga tortildi.

Biznes-ombudsman tadbirkorlar huquqlarini himoya qilishdan tashqari, qonunchilikka oʻzgartirishlar tayyorlashda ham ishtirok etdi. Olti oy davomida boshqarma tomonidan toʻqqizta me’yoriy-huquqiy hujjat loyihasi, jumladan, toʻrtta qonun loyihasi, ikkita Prezident qarori loyihasi va uchta hukumat me’yoriy-huquqiy hujjati loyihasi ishlab chiqildi.

Biznes-ombudsman instituti Oʻzbekistonda 2017-yildan buyon faoliyat yuritib kelmoqda. Uning asosiy vazifasi tadbirkorlarning qonuniy manfaatlarini himoya qilish, davlat organlari va mansabdor shaxslarning xatti-harakatlari ustidan shikoyatlarni koʻrib chiqishdan iborat.