Banklar mahallalarni rivojlantirish uchun 2 trillion soʻm mablagʻ olish imkoniyatiga ega boʻladi

Oʻzbekiston Prezidenti Shavkat Mirziyoyev mahallalar islohotiga bagʻishlangan yigʻilishda banklarning mahallalar rivojida keng koʻlamli ishtirok etishini ma’lum qildi.

Davlat banklari tomonidan mahallalarni rivojlantirish boʻyicha 100 dan ortiq tashabbuslar ilgari surilgan. 2025-yilda toʻqqizta moliya instituti ishtirokida tashkil etilgan “Agrostar” kompaniyalar guruhi faoliyatini kengaytirish shular jumlasidandir.

1-avgustdan “mahalla bankirlari” oilaviy tadbirkorlik dasturi doirasida ajratilgan 2 trillion soʻm kredit resurslaridan foydalanish imkoniyatiga ega boʻladi. Shuningdek, banklar mahallalarni ixtisoslashtirish boʻyicha cheklovlarni bekor qilib, toʻliq ishlab chiqarish zanjirlarini – yetishtirishdan to mahsulot sotishgacha rivojlantirishni boshlaydi. Dasturni bir oy muddatda ishlab chiqish va 1000 ta mahallada yoʻlga qoʻyish topshirildi.

Endilikda har bir “bankir” uchtadan koʻp boʻlmagan mahallaga biriktirilgan. Ularning vazifasi oʻsish nuqtalarini aniqlash va loyihalar uchun tashabbuskorlarni tanlashdir. Ishning samaradorligi KPIlar boʻyicha baholanadi: tadbirkorlik faolligi, aholi bandligi va daromadlari.