Chilonzorda 24 soatlik turistlar koʻchasi tashkil etiladi

Toshkent shahrining Chilonzor tumanida Qatartol koʻchasining bir qismini 24 soatlik sayyohlik maydoniga aylantirish ishlari boshlandi. Bu haqda tuman hokimligi matbuot xizmati xabar berdi.

Tuman hokimi Saidqahhor Xolxoʻjaev mas’ullar bilan birgalikda qurilish-ta’mirlash ishlarining borishi bilan tanishdi. Ularning sifatiga alohida e’tibor qaratilmoqda: barcha ishlar shaharsozlik standartlari va yangi dizayn kodeksiga mos kelishi, shuningdek, hudud aholisi va mehmonlari uchun qulay shart-sharoitlarni ta’minlashi kerak.