Oʻzbekistonda 1900 ga yaqin ekstremistik manbalar bloklandi

Oʻzbekiston Oliy sudi ekstremizm va terrorizm gʻoyalari bilan bogʻliqligi sababli mamlakatimiz hududiga olib kirish, ishlab chiqarish, tarqatish va namoyish etish taqiqlangan internet-resurslar roʻyxatini yangiladi. Roʻyxatga 1894 ta manba kiritilgan.

Bloklangan resurslar orasida Telegram’dagi 886 ta kanal va guruhlar (jami 46,8%), Instagram’dagi 405 ta profil, 276 ta Facebook sahifasi, 202 ta YouTube kanali, 68 ta TikTok akkaunti, Odnoklassniki’dagi 44 ta sahifa, 33 ta veb-sayt va boshqa manbalar, shuningdek, Threads’dagi 1 ta profil bor.

2026-yilning aprel oyidan buyon roʻyxat deyarli 70 ta yangi manba bilan toʻldirildi, ularning yarmiga yaqini Telegram’da aniqlangan.