Navoiy viloyatidagi Zarafshon daryosida uch nafar oʻsmir choʻkib ketdi

8-iyul kuni soat 13:50 atrofida viloyat favqulodda vaziyatlar boshqarmasiga Zarafshon daryosining Katta masjid mahallasi hududidan oqib oʻtuvchi qismida choʻmilish uchun kelgan uch nafar voyaga yetmaganlar choʻkib ketgani haqida xabar kelib tushgan. Voqea joyiga tez yordam maxsus guruhi gʻavvoslari va tegishli xizmatlar vakillari yetib kelgan.

10-iyul kuni olib borilgan qidiruv-qutqaruv ishlari natijasida har uchala qurbonning jasadi topildi. Nashrning yozishicha, fojia qurbonlari J. S. (2008-yilda tugʻilgan), J. S. (2012-yilda tugʻilgan) va O. T. (2010-yilda tugʻilgan).

Halok boʻlganlarning ikki nafari bir-birining aka-ukalari boʻlgan.