Toshkent shahrining Bektemir tumanida sovuq va issiq suv bir kunga oʻchirildi

“Toshshaharsuvta'minoti” Bektemir tumani (Toshkent)da sovuq suv o‘chirilishi haqida xabar berdi. Suv ta’minoti 29-iyun soat 09:00 dan 30-iyun soat 09:00 gacha, ko‘prik qurilishi doirasida suv tarmog‘i uchastkasini ko‘chirish sababli to‘xtatiladi.

16 ta mahalla aholisi suvsiz qoladi: “Mirishkor”, “Rohat”, “Zilola”, “Chashma”, “Iqbol”, “Majnuntol”, “Abay”, “Gulbog‘”, “Bektemir”, “Husayn Boyqaro”, “Oltintopgan”, “Iyik ota”, “Musaffo”, “Sohil”, “Nurli yo‘l” va “Ustozlar”.

O‘chirish quyidagilarga ta’sir qiladi:

• 185 ta ko‘p qavatli uy;
• 8 549 ta yakka tartibdagi uy;
• 13 ta bolalar bog‘chasi;
• 5 ta tibbiyot muassasasi;
• 56 ta sanoat korxonasi;
• 3 ta masjid;
• 1 ta markaziy va 2 ta mahalliy qozonxona.

Veolia Energy Tashkent ham shu davrda issiq suv o‘chirilishini ma’lum qildi.