Qirgʻizistonda prezidentlik saylovlari yakshanbadan chorshanbaga koʻchirilishi mumkin

Qirg‘iziston parlamenti — Jogorku Kenesh 24 iyun kuni prezident saylovi to‘g‘risidagi konstitutsiyaviy qonunga o‘zgartishlarni uch o‘qishda qabul qildi.

Parlament spikeri Marlen Mamataliyev saylov kunining ko‘chirilishi saylovchilar faolligini oshirishga qaratilganini aytdi: endi ovoz berish yakshanba emas, yanvar oyining oxirgi chorshanbasida o‘tkaziladi. Tashabbus prezident Sadir Japarov tomonidan ilgari surilgan bo‘lib, unda navbatdagi saylov sanasiga aniqlik kiritiladi. Sadir Japarov 2021-yil 28-yanvarda 6 yil muddatga prezident etib saylangan.

Shu tariqa, saylov sanasi 2027-yil 31-yanvardan 27-yanvarga ko‘chiriladi. Qonun prezident imzolaganidan so‘ng kuchga kiradi.

Qirg‘izistonda parlament saylovlari ham 2026-yil noyabrdan ertaroq muddatga ko‘chirildi. Bu saylov tizimiga ortiqcha yuk tushishini oldini olishga qaratilgan, chunki ikki yirik saylov kampaniyasi ketma-ket o‘tishi kerak edi.

Markaziy saylov komissiyasi raisi Tinchtyk Shaynarazovning ta’kidlashicha, parlament va prezident saylovlarini ketma-ket o‘tkazish targ‘ibot kampaniyalari uchun jiddiy qiyinchiliklar tug‘diradi.