Masharipov o‘rniga terma jamoada yangi 10-raqam egasi aniqlandi
Oʻzbekiston milliy terma jamoasi yarim himoyachisi Jaloliddin Masharipov, dastlabki ma’lumotlarga koʻra, jarohati sabab JCh-2026 da ishtirok etmaydi.
Ushbu oʻzgarishlarning bilvosita tasdigʻi 11-iyun kuni jamoa rasmiy fotosessiya oʻtkazganida paydo boʻldi. Nashr etilgan kadrlarda yarim himoyachi Umarali Rahmonaliyev avvalroq Masharipovga biriktirilgan 10-raqamli futbolkada sur'atga olingan.
Mazkur raqam avval Masharipovga tegishli edi. Shu sabab Rahmonaliyevning aynan 10-raqam bilan chiqishi tarkibda o‘zgarish bo‘lganini ko‘rsatmoqda. Odatda bunday fotosessiyalarda musobaqada ishtirok etadigan yakuniy ro‘yxatdagi futbolchilar qatnashadi.
Rahmonaliyev Ozarbayjonning “Sabah” klubida to‘p suradi va joriy mavsumda jamoasi bilan chempionat hamda mamlakat kubogi g‘olibiga aylangan. U so‘nggi paytlarda terma jamoaga muntazam jalb etilmoqda.
Tavsiya etamiz
Uzbekistan Airways Rossiyaga reyslarni kamaytirmoqda
O‘zbekistonda saraton kasalliklarini davolash tizimi yangilanadi
Toshkent viloyatida 344 ta yoʻl harakati qoidalarini buzgan Spark topildi
Oʻzbekistonda har bir sayyoh uchun toʻlovlar yoʻlga qoʻyiladi
