Yangi tezyurar liniyalar loyihasi: Toshkent – Andijon va Toshkent – Termiz
O‘zbekistonda Toshkentni Andijon va Termiz bilan bog‘laydigan yangi yuqori tezlikdagi temiryo‘l qatnovlarini yo‘lga qo‘yish masalasi muhokama qildi. Bu masala Janubiy Koreyada Hyundai Rotem kompaniyasi bilan o‘tkazilgan uchrashuvda ko‘rib chiqildi.
10-iyun kuni bo‘lib o‘tgan muzokaralarda “O‘zbekiston temir yo‘llari”, Transport vazirligi va Hyundai Rotem rahbariyati vakillari ishtirok etdi. Asosiy e’tibor Toshkent — Andijon va Toshkent — Termiz yo‘nalishlarida tezkor harakatni tashkil etishga qaratildi.
Tomonlar zamonaviy yuqori tezlikdagi sakkizta elektro poyezdni yetkazib berish masalasini ham muhokama qildi. Shu bilan birga, kelajakdagi poyezdlarning texnik talablari va ularni ekspluatatsiya qilish shartlari kelishib olindi. Uchrashuv davomida O‘zbekiston uchun yangi “Jaloliddin Manguberdi” poyezdini ishlab chiqish loyihasi ham muhokama qilindi. Ushbu loyiha temiryo‘l sohasini modernizatsiya qilish va yangi avlod poyezdlarini joriy etishga qaratilgan.
Andijon tomoni Farg‘ona vodiysi bilan bog‘lanishni yaxshilasa, Termiz yo‘nalishi janubiy hududlar bilan qatnovni kuchaytiradi.,Muzokaralar yakunida tomonlar hamkorlikni davom ettirish va yangi transport loyihalarini birgalikda amalga oshirishga tayyor ekanini bildirdi. Loyihaning amalga oshirish muddatlari hozircha ochiqlanmadi.
Tavsiya etamiz
Uzbekistan Airways Rossiyaga reyslarni kamaytirmoqda
O‘zbekistonda saraton kasalliklarini davolash tizimi yangilanadi
Toshkent viloyatida 344 ta yoʻl harakati qoidalarini buzgan Spark topildi
Oʻzbekistonda har bir sayyoh uchun toʻlovlar yoʻlga qoʻyiladi
