Jizzaxda attraksionning buzilishi oqibatida toʻrt kishi jarohatlandi

Jizzax shahridagi “O‘rda” istirohat bog‘ida attraksion sinib ketishi oqibatida 4 kishi jarohat oldi. Jabrlanganlar shifoxonaga yotqizilgan, halok bo‘lganlar yo‘q.

Voqea 10-iyun kuni taxminan soat 22:00 larda sodir boʻlgan. U “Niyatjon niyati” MChJga qarashli, 16 o‘rindiqli “Qulash minorasi” attraksionida yuz bergan.

Attraksion 2019-yilda ishlab chiqarilgan. U 2025-yil 5-noyabrda soʻnggi texnik koʻrikdan oʻtkazildi. Hozirda hodisa yuzasidan tergovga qadar tekshiruv oʻtkazilmoqda. Mutaxassislar buzilish sabablarini aniqlaydilar va xavfsizlik talablariga muvofiqligini baholaydi.