Oʻzbekistonda futbol yangi bosqichga koʻtarilmoqda

O‘zbekistonda futbol jadal rivojlanib bormoqda — bu jarayon ham terma jamoa darajasida, ham mamlakat ichida yaqqol sezilmoqda.

So‘nggi yillardagi eng muhim voqea — milliy jamoaning 2026-yilgi jahon chempionatiga yo‘l olgani bo‘ldi. Bu mamlakat uchun mustaqillik davridagi ilk shunday natija hisoblanadi.

Natijalarning yaxshilanishi futbol tizimida olib borilayotgan o‘zgarishlar — bolalar seksiyalaridan tortib professional darajagacha bo‘lgan islohotlar bilan bog‘liq.

Nimalar o‘zgarmoqda

Mamlakatda ommaviy futbol faol rivojlantirilmoqda. Mahallalar, maktablar va oliy ta’lim muassasalarida turnirlar o‘tkazilmoqda, yoshlar ishtiroki ortib bormoqda.

Shu bilan birga, futbolchilarni tayyorlash tizimi bosqichma-bosqich shakllanmoqda:

• akademiyalar va futbol maktablari ochilmoqda
• iste’dodlarni saralashning yangi tizimi joriy qilinmoqda
• murabbiylar bilan ishlash kuchaytirilmoqda

Yangi infratuzilma ham barpo etilmoqda. Xususan, turli yoshdagi terma jamoalar mashg‘ulot o‘tkazishi mumkin bo‘lgan Milliy futbol markazi tashkil etildi.

Bugungi kunda mamlakat bo‘ylab yuzlab sport obyektlari faoliyat yuritmoqda, futbol bilan muntazam shug‘ullanayotganlar soni esa milliondan oshgan.

Qo‘llab-quvvatlash va moliyalashtirish

2026 yilda futbolni qo‘llab-quvvatlash bo‘yicha qo‘shimcha choralar qabul qilindi.

Jumladan:

• futbolchilar uchun soliq imtiyozlari joriy etildi
• klublar davlat tomonidan qo‘llab-quvvatlanmoqda
• sportni rivojlantirish jamg‘armasi tashkil qilindi

Bu qarorlar klub futbolini mustahkamlash va futbolchilar uchun barqaror sharoit yaratishga qaratilgan.

Prezident fikri

Prezident Shavkat Mirziyoyev terma jamoaning jahon chempionatiga chiqishini tarixiy voqea sifatida baholadi.

“Futbolchilarimiz O‘zbekiston tarixida yangi sahifa ochdi”, — dedi u jamoa bilan uchrashuvda.

Shuningdek, davlat rahbari futbolni qo‘llab-quvvatlash bundan keyin ham davom etishini ta’kidladi.

“Olg‘a, oq bo‘rilar”

“Olg‘a, oq bo‘rilar” iborasi O‘zbekiston terma jamoasi muxlislarining asosiy shioriga aylandi.

“Oq bo‘rilar” atamasi terma jamoaga ancha yillardan beri qo‘llanib keladi. U jamoaning xarakteri, kurashuvchanligi va jamoaviy o‘yinini ifodalaydi. Vaqt o‘tishi bilan bu nom muxlislar orasida ham keng tarqaldi.

Jahon chempionatiga chiqilgach, jamoaga bo‘lgan qiziqish yanada oshdi. Bu natijani ko‘p yillar kutishgan, bugun esa butun mamlakat — stadiondagi muxlislardan tortib, hovlilarda futbol o‘ynayotgan bolalargacha — jamoani qo‘llab-quvvatlamoqda.

Terma jamoa allaqachon tarixiy natijaga erishdi va mamlakatga faxr bag‘ishladi. Endi esa navbat — maydondagi o‘yin va jahon sahnasidagi ishtirokda.

Jamoatdan xarakter, intizom va aynan shu muvaffaqiyatga olib kelgan o‘yin kutilyapti.