Makka shahrida +45°C harorat: hojilarga tibbiy yordam dronlar orqali yetkazilmoqda

Saudiya Arabistonida haj mavsumi davomida kuzatilayotgan kuchli issiq tufayli tibbiy xizmatlarda zamonaviy texnologiyalar qo‘llanilmoqda. Makka shahrida havo harorati +45°C ga yetgani sababli hojilarga tezkor yordam ko‘rsatish choralariga alohida e’tibor qaratilgan.

Ma’lum qilinishicha, odamlar gavjum bo‘lgan hududlarda operativ xizmat ko‘rsatish uchun dronlardan foydalanish yo‘lga qo‘yilgan. Ular orqali dori-darmonlar, birinchi tibbiy yordam vositalari hamda zarur tibbiy jihozlar qisqa vaqt ichida yetkazib berilmoqda.

Bu yondashuv favqulodda holatlarda tezkorlikni oshirish va tibbiy xizmatlar samaradorligini ta’minlashga xizmat qilmoqda.