67 mln yillik tiranozavr skeleti $30 mln evaziga auksionga qo‘yildi

Sotheby’s auksion uyi 67 million yil avval yashagan tiranozavr reksning deyarli to‘liq saqlangan skeletini savdoga qo‘ydi. Financial Times ma’lumotiga ko‘ra, lotning boshlang‘ich qiymati kamida $30 mlnga baholanmoqda.

Gap bozor uchun mavjud bo‘lgan eng to‘liq T. rex skeletlaridan biri haqida bormoqda. Ushbu noyob eksponat “Gus” deb nomlangan bo‘lib, saqlanish darajasi va ilmiy ahamiyati bilan ajralib turadi.

Bunday topilmalar juda kam hollarda ochiq savdoga chiqariladi, shu bois ushbu lot xususiy kolleksionerlar va muzeylar uchun alohida qiziqish uyg‘otmoqda. Mutaxassislar yakuniy narx e’lon qilingan bahodan ancha yuqori bo‘lishi mumkinligini taxmin qilmoqda.