Sinoptiklar hududlarda kuchli shamol va momaqaldiroq boʻlishidan ogohlantirdi

Toshkent va O‘zbekistonning bir qator hududlarida dushanba kuni shamol kuchayishi kutilmoqda, deya xabar berdi Oʻzgidromet.

Respublika boʻylab kunduzi qisqa muddatli yomgʻir yogʻishi, momaqaldiroq boʻlishi mumkin. Fargʻona vodiysi hududlarida yogʻingarchilik kutilmaydi.

Shamol tezligi 7–12 m/s, ba’zi joylarda 13–18 m/s gacha kuchayishi mumkin. Shamol tezligi 20-22 m/s gacha yetishi mumkin. Ayrim joylarda chang-toʻzonli qor yogʻishi mumkin.

Mamlakat boʻylab havo harorati +30…+35 daraja boʻladi.

Toshkentda kechqurun qisqa muddatli yomgʻir yogʻib, momaqaldiroq boʻlishi kutilmoqda. Shamol 3–8 m/s tezlikda esadi, sekundiga 10–12 m gacha kuchayishi, ba’zi joylarda chang-toʻzonlar oshib borishi mumkin. Harorat - +33…+35 daraja.

Togʻ oldi va togʻli hududlarda qisqa muddatli yomgʻir yogʻib, ayrim joylarda momaqaldiroq boʻlishi mumkin. Sel va toshqin hodisalari ehtimoli kutilmoqda. Shamol 7–12 m/s tezlikda, 15–20 m/s gacha kuchayishi mumkin. Havo harorati +20…+25 daraja boʻladi.