Toshkent biznes hamjamiyati o‘z yetakchisini sayladi

Toshkent shahridagi biznes hamjamiyati tadbirkorlar manfaatlarini institutsional darajada himoya qiladigan vakilni aniqladi. Tadbirkorlar va sohaviy assotsiatsiyalar tomonidan Milliy marketing markazi rahbari Diyyor Mirzaahmedov nomzodi ilgari surildi.

Biznes doiralari qaroriga muvofiq, unga Savdo-sanoat palatasining Toshkent shahar boshqarmasi rahbari vakolatlari berildi. Endilikda u poytaxt tadbirkorlarining manfaatlarini davlat organlari va boshqa institutlar bilan muloqotda himoya qiladi.

Biznes vakillari ta’kidlashicha, yangi rahbar oldidagi asosiy vazifa — tadbirkorlarni birlashtirish va eng dolzarb masalalar bo‘yicha yagona pozitsiyani shakllantirishdan iborat. Gap, avvalo, tartibga soluvchi to‘siqlar, moliyalashtirish imkoniyatlari, soliq ma’murchiligi hamda kichik va o‘rta biznes infratuzilmasini rivojlantirish haqida bormoqda.

Mutaxassislar fikricha, marketing va bozorlarni rivojlantirish sohasida tajribaga ega rahbarning saylanishi biznes hamjamiyatining yanada tizimli va muloqotga ochiq yondashuvga bo‘lgan ehtiyojini aks ettiradi. Kutilyaptiki, Toshkent biznesi manfaatlarini himoya qilishda nafaqat mavjud muammolarga javob berish, balki poytaxtning biznes kun tartibini shakllantirishda faol ishtirok etish kuchayadi.

Assotsiatsiyalar vakillari Diyyor Mirzaahmedov rahbarligida Toshkent tadbirkorlari eng og‘riqli masalalarda yakdil tarzda harakat qilib, muzokaralarda biznes hamjamiyatining mavqeini mustahkamlashiga umid bildirdi.