O‘zbekistonning oltita viloyatida qor ko‘chkisi xavfi haqida ogohlantirildi

“Uzgidromet” 4–8 aprel kunlari kutilayotgan yog‘ingarchilik va harorat o‘zgarishi sababli respublikaning bir qator tog‘li hududlarida qor ko‘chishi xavfi yuzaga kelishini ma’lum qildi.

Xavf quyidagi hududlarda e’lon qilingan:

• Qashqadaryo viloyati: Kitob, Shahrisabz tumanlari
• Surxondaryo viloyati: Boysun, Sariosiyo, Uzun tumanlari
• Samarqand viloyati: Samarqand, Urgut tumanlari
• Jizzax viloyati: Baxmal, Zomin tumanlari
• Toshkent viloyati: Bo‘stonliq, Parkent, Ohangaron tumanlari (Chatqol tizmasi tog‘lari)
• Namangan viloyati: Pop tumani

Tog‘li hududlarda yashovchi aholi, dam oluvchilar hamda tog‘ yo‘llarida harakatlanayotgan haydovchilardan ehtiyot bo‘lish, xavfli uchastkalardan o‘tmaslik va ob-havo ma’lumotlarini kuzatib borish so‘raldi.