Buxoroda beshta xalqaro mehmonxona brendi paydo bo‘ladi

Shavkat Mirziyoyev raisligida bo‘lib o‘tgan yig‘ilishda Buxoro viloyatining turizm salohiyatini kengaytirishga qaratilgan yirik loyihalar taqdim etildi. Unga ko‘ra, hududda tashkil etilayotgan yangi turistik maskanlarda 5 ta xalqaro brendga mansub mehmonxona faoliyati yo‘lga qo‘yiladi.

Yig‘ilishda qayd etilishicha, Buxoro viloyatida quyidagi yo‘nalishlarda keng ko‘lamli ishlar amalga oshiriladi:

• “Xo‘ja Orif”, “Chor Bakr” va “Yorjon” turizm qishloqlarini rivojlantirish, shuningdek Buxoro shahrida “Mohi Xosa” turizm mahallasini tashkil etish;
• yil yakunigacha ishsizlik va kambag‘allik darajasini 2 foizga kamaytirish hamda 381,5 ming aholiga daromadli bandlik yaratish;
• samarasiz 2,5 ming gektar bog‘ o‘rnida zamonaviy intensiv bog‘lar barpo etish va qo‘shimcha 8 ming gektar maydonni o‘zlashtirish;
• viloyatga 3,3 milliard dollar xorijiy investitsiya jalb qilish va eksport hajmini 1,5 milliard dollarga yetkazish;
• 3,5 million xorijiy va 5,5 million mahalliy sayyohni jalb etish, buning uchun 73 ta yangi joylashtirish vositasi, shuningdek 15 ta turoperator va turaagentlik faoliyatini yo‘lga qo‘yish.

Bu rejalarning amalga oshirilishi, rahbariyatning fikricha, hududda zamonaviy turizm ekotizimini shakllantirish, ishbilarmonlik faolligini kuchaytirish va buxorolik mehmonlarga xizmat ko‘rsatish sifatini oshirish zarur.