Toshkentda sun’iy yomg‘ir texnologiyasini joriy etishga hozirlik ko‘rilmoqda

Poytaxt va Toshkent viloyatida sun’iy yog‘ingarchilik yaratish loyihasi amalga oshiriladi. Ushbu tashabbus ekologik vaziyatni yaxshilash va qurg‘oqchil iqlim ta’sirini kamaytirishga qaratilgan “Toza havo” milliy dasturining bir qismidir.

Tasdiqlangan rejaga ko‘ra, 2027-yil 1-oktabrga qadar viloyatda tizimning ishlashi uchun zarur bo‘lgan barcha texnik vositalar o‘rnatilishi kerak. O‘rnatish tugallangach, texnologiya normal rejimga o‘tadi va ob-havo sharoitlariga qarab ishlatiladi.

Bungacha, 2026-yilda mutaxassislar Bo‘stonliq tumanidagi Piskem darasi hududida bir nechta – uchdan beshtagacha sinov o‘tkazish niyatida. Ushbu testlar tizimning haqiqiy sharoitda yog‘ingarchilik shakllanishiga qanchalik samarali ta’sir qilishi mumkinligini baholashga imkon beradi.

Loyiha atmosfera holatini yaxshilash va quruq davrda namlik darajasini oshirish uchun qo'shimcha vosita sifatida qaraladi.