Andijonda “Umra” tadbirlarini tashkil etishda yo‘l qo‘yilgan qoidabuzarliklar sababli “IHLOS TRAVEL1” faoliyati vaqtincha to‘xtatib qo‘yildi

Mutaxassislarning aniqlashicha, kompaniya Vazirlar Mahkamasining 2024 yil 12 oktyabrdagi 668-son qarorining “Umra” tadbirlariga tayyorgarlik ko‘rish va ularni o‘tkazish tartibini belgilovchi ayrim talablarini buzgan. Xususan, xizmatlar sifati va tashkiliy jarayonlar bilan bog‘liq litsenziyalash normalaridan chetga chiqish holatlari aniqlandi.

Monitoring natijalariga koʻra, Qoʻmita “IXLOS TRAVEL1” kompaniyasiga 2024-yil 21-noyabrda berilgan 10-sonli litsenziyaning amal qilishini 10 kun muddatga toʻxtatib turish toʻgʻrisida qaror qabul qildi. Ushbu davr mobaynida kompaniya Umrani tashkil etish bilan bogʻliq faoliyatni amalga oshirish huquqiga ega emas.

Qo‘mita diniy turizm sohasida faoliyat yurituvchi barcha operatorlarga murojaat qilib, qonunchilikka qat’iy rioya qilish va ko‘rsatilayotgan xizmatlarning xavfsizligi, shaffofligi va to‘g‘riligini ta’minlashga chaqirdi.