11-noyabr ob-havosi: yomg‘ir, Qoraqalpog‘istonda qor, Toshkentda +8…+10

O‘zgidromet prognoziga ko‘ra, 11-noyabr kuni kunduzi Toshkent, Jizzax, Sirdaryo va Navoiy viloyatlarida hamda Farg‘ona vodiysida yomg‘ir yog‘adi, ayrim joylarda kuchli bo‘lishi mumkin. Qoraqalpog‘istonda qor yog‘ishi ehtimoli bor. Qolgan hududlarda yog‘ingarchilik kutilmaydi. Shamol tezligi 7–12 m/s, ba’zi joylarda 13–18 m/s gacha kuchayishi mumkin. Harorat +7…+12, shimolda +3…+8 daraja bo‘ladi.

Toshkentda ertalab vaqti-vaqti bilan yomg‘ir yog‘adi, kunduzi yog‘ingarchilik kutilmaydi. Shamol tezligi 3–8 m/s, harorat +8…+10 daraja. Soat 09:00 holatiga ko‘ra, monitoring stansiyalari poytaxtda havo toza ekanini qayd etdi: PM10 — 9 mkg/m³ (REK 75), PM2,5 — 5 mkg/m³ (REK 60).

Tog‘oldi va tog‘li hududlarda vaqti-vaqti bilan yog‘ingarchilik kuzatiladi: yomg‘ir yog‘adi, harorat pasayganda qorga aylanadi, ayrim tumanlarda kuchli bo‘lishi mumkin. Tuman tushishi va sel kelishi ehtimoli bor. Shamol tezligi 9–14 m/s, harorat 0…+5 daraja. Tog‘li hududlar aholisiga sel va suv toshqini xavfini hisobga olish tavsiya etiladi.