Ronaldu «An-Nasr»ning 20 foiz aksiyasini olişi mumkin

Kriştianu Ronaldu Saudiya Arabistonining «An-Nasr» klubi aksiyadoriga aylanişi mumkin. Semafor ma’lumotiga köra, muhokama qilinayotgan bitim doirasida portugaliyalik futbolçiga klub aksiyalarining 20 foizi berilişi mumkin.

Amerikaning RedBird Capital Partners investitsiya kompaniyasi hamkorlari bilan birga «An-Nasr»ning 70 foiz uluşini qariyb 267 mln dollarga sotib oliş imkoniyatini örganmoqda.

Tomonlar kamida ikkita uçraşuv ötkazgan. Biroq muzokaralar dastlabki bosqiçda bölib, bitim amalga oşişi kafolatlanmagan.

RedBird «Milan» klubiga egalik qiladi

RedBird yirik sport aktivlariga sarmoya kiritadi. Kompaniya 2022-yil avgustida Italiyaning «Milan» klubini 1,2 mlrd yevroga sotib olişni yakunlagan. Bitim doirasida New York Yankees beysbol klubiga egalik qiluvçi Yankee Global Enterprises ham «Milan»ning minoritar aksiyadoriga aylangan.

«Milan» xarid qilingan paytda RedBird boşqaruvidagi aktivlar qiymati qariyb 7,5 mlrd dollarni taşkil etgan. Kompaniyaning sport portfelida «Tuluza», «Liverpul»ga egalik qiluvçi Fenway Sports Group’dagi uluş, YES Network va Rajasthan Royals kabi aktivlar ham bölgan.

Bu tajriba RedBird sport sohasidagi ixtisoslaşgan investor ekanini körsatadi. Biroq kompaniya «An-Nasr» aksiyalarini sotib oliş möljalini rasman e’lon qilmagan.

«An-Nasr»ning qarzi 213 mln dollarga baholanmoqda

Semafor ma’lumotiga köra, Saudiya Arabistoni Davlat investitsiya jamğarmasi, ya’ni PIF, «An-Nasr»ning qariyb 213 mln dollarlik qarzini bartaraf etiş ustida işlamoqda.

Variantlardan biri PIF portfelidagi kompaniyalar bilan homiylik şertnomalarini tuzişni nazarda tutadi. Qaysi kompaniyalar bilan muzokara olib borilayotgani, şertnomalar qiymati va qarzni yopiş muddati oçiqlanmagan.

Qarz aksiyalar sotilişidan oldin yopilişi yoki yangi investorga ötka zilişi ham noma’lum. Bu tafsilot yakuniy bitim qiymatiga ta’sir qilişi mumkin.

Ehtimoliy kelişuvga Saudi Media Company ham qöşilişi mumkin. Kompaniyaning qança mablağ kiritişi va qanday uluş olişi haqida ma’lumot berilmagan.

Klub qariyb 381 mln dollarga baholanişi mumkin

Agar 267 mln dollar haqiqatan ham klub aksiyalarining 70 foizi uçun taklif qilinayotgan bölsa, «An-Nasr»ning umumiy bahosi qariyb 381 mln dollarni taşkil etadi.

Şu hisob-kitob asosida Ronalduning 20 foizlik uluşi taxminan 76 mln dollarga teñ bölişi mumkin.

Biroq bu rasmiy baho emas, balki Semafor keltirgan raqamlar asosidagi matematik hisob-kitob. Ronaldu aksiyalarni sotib olişi, şertnomasining bir qismi sifatida olişi yoki alohida investitsiya tuzilmasi orqali qölga kiritişi noma’lum.

RedBird va hamkorlari 70 foiz, Ronaldu esa 20 foiz aksiya olsa, qolgan 10 foizlik uluş kimda qolişi ham oçiqlanmagan.