Özbekistonda pedagog va öquvçilar har yili psixologik diagnostikadan ötadi

Özbekistondagi ta’lim taşkilotlarining pedagoglari va öquvçilari har öquv yilida kamida bir marta psixologik diagnostikadan ötkaziladi.

Yangi tizim ikki bosqiçda joriy etiladi:

• 2026/2027 öquv yilidan maktabgaça va umumiy örta ta’lim taşkilotlarida;
• 2027/2028 öquv yilidan örta maxsus, professional va oliy ta’lim taşkilotlarida.

Diagnostika pedagoglar, tarbiyaçilar, öquvçilar, tarbiyalanuvçilar va talabalarni qamrab oladi. Tekşiruv Psixologiya ilmiy-tadqiqot instituti tomonidan maxsus elektron platforma orqali ötkaziladi.

Natijalar sun’iy intellekt yordamida tahlil qilinadi. Şundan söng iştirokçilar quyidagi uç guruhdan biriga kiritiladi:

1. psixologik jihatdan barqaror;
2. psixologik yordamga muhtoj;
3. faol psixologik yordamga muhtoj.

Ikkinçi guruhga kiritilgan şaxslarga ta’lim taşkilotining psixologi biriktiriladi. Uçinçi guruhdagilar bilan psixolog-mentor işlaydi.

Nizomiy Ganjaviy nomidagi Özbekiston milliy pedagogika universitetining Öquv-ilmiy psixologiya markazi negizida Psixologiya ilmiy-tadqiqot instituti taşkil etiladi. Institut Ta’lim va ilm-fan vazirligi tizimiga kiradi.

2027-yil 1-yanvardan institutda uçta laboratoriya iş boşlaydi:

• raqamli psixologiya va sun’iy intellekt laboratoriyasi;
• ta’lim psixologiyasi va psixologik xizmat laboratoriyasi;
• psixologik salomatlik va profilaktika laboratoriyasi.