OTMlarda kontrakt to‘lovi va talabalikka qabulni rasmiylashtirish muddati uzaytirildi

2026/2027-o‘quv yili uchun oliy ta’lim muassasalarida kontrakt to‘lovini amalga oshirish va talabalar safiga qabulni rasmiylashtirish muddati 15-oktabrgacha uzaytirildi.

Mazkur muddat quyidagi toifadagi fuqarolarga taalluqli:

— bakalavriat va magistraturaga o‘qishga tavsiya etilganlar;

— o‘qishi ko‘chirilgan yoki ko‘chirib tiklangan talabalar;

— qayta tiklangan talabalar.

Belgilangan muddatgacha bazaviy kontrakt bo‘yicha to‘lovning kamida 25 foizi amalga oshirilishi lozim.

Tabaqalashtirilgan kontrakt asosida o‘qishga tavsiya etilganlar esa 15-oktabrgacha kontrakt summasining kamida 50 foizini to‘lashi kerak.

Shuningdek, belgilangan to‘lov amalga oshirilgach, talabalar safiga qabulni rasmiylashtirish jarayoni yakunlanadi.