Prezident davlat tashrifi bilan Seulga yetib bordi

O‘zbekiston Prezidenti Shavkat Mirziyoyev rafiqasi bilan birga davlat tashrifi doirasida Seulga yetib bordi.

Janubiy Koreya Respublikasi Harbiy-havo kuchlari aviabazasida O‘zbekiston Prezidentini tantanali kutib olish marosimi bo‘lib o‘tdi. Davlat rahbari sharafiga faxriy qorovul saf tortdi va artilleriya salyuti berildi.

Shavkat Mirziyoyevni Koreya Respublikasi Bosh vaziri o‘rinbosari — Iqtisodiyot va moliya vaziri Ku Yun Chxol hamda boshqa rasmiylar kutib oldi.

Uch kunlik tashrif doirasida Shavkat Mirziyoyev Janubiy Koreya Prezidenti Li Chje Myon bilan tor va kengaytirilgan tarkibda muzokaralar o‘tkazadi. Shuningdek, Milliy Assambleya Spikeri Cho Chjon Shik, Bosh vazir Xan Son Suk, yirik koreys kompaniyalari va moliya institutlari rahbarlari, shuningdek, Janubiy Koreyada istiqomat qilayotgan o‘zbekistonliklar bilan uchrashuvlar rejalashtirilgan. Prezident, shuningdek, O‘zbekiston–Koreya biznes-forumining ochilish marosimida nutq so‘zlaydi.

16-sentabr kuni Shavkat Mirziyoyev «Markaziy Osiyo – Koreya Respublikasi» birinchi sammiti tadbirlarida ishtirok etadi.

Tashrifning siyosiy va iqtisodiy kun tartibi bilan bir qatorda Seul va Janubiy Koreyaning boshqa shaharlarida O‘zbekiston madaniyati kunlari ham o‘tkaziladi.