O‘zbekistonda 5–6 sentabr kunlari yog‘ingarchilik kutilmaydi, harorat +35 darajagacha ko‘tariladi

5–6 sentabr kunlari O‘zbekiston hududining katta qismida yog‘ingarchilik kutilmaydi. Bu haqda O‘zgidromet xabar berdi.

5-sentabr, shanba kuni respublikaning aksariyat hududlarida kunduzgi havo harorati +28…+33 daraja, janubda esa +35 darajagacha bo‘ladi. Farg‘ona vodiysida harorat +23…+28 daraja atrofida saqlanadi. Kechasi va erta tongda +13…+18 daraja bo‘lishi kutilmoqda.

6-sentabr, yakshanba kuni havo harorati 2–3 darajaga ko‘tariladi. Respublika bo‘ylab biroz bulutli ob-havo kuzatiladi. Shimoliy va tog‘li hududlarda bulutlilik o‘zgarib turadi. Farg‘ona vodiysining tog‘li hududlarida ayrim joylarda qisqa muddatli yomg‘ir yog‘ishi mumkin.

5-sentabr kuni respublikaning shimoliy, janubiy va cho‘l hududlarida shamol tezligi ayrim joylarda 13–18 m/s gacha kuchayishi mumkin. Chang-to‘zon hodisalari kuzatilishi ehtimoli bor.

Toshkentda yog‘ingarchilik kutilmaydi. Shanba kuni havo +30…+32 darajagacha, yakshanba kuni esa +32…+34 darajagacha isiydi. Kechasi harorat +16…+18 daraja atrofida bo‘ladi.