Toshkentdagi ayrim tashkilotlarda ish kuni 8:00 da boshlanishi mumkin

Toshkent shahar hokimligi shahar va tuman hokimliklari, shahar boshqarmalari hamda ularga qarashli bo‘linmalar uchun ish vaqtini 8:00 dan 17:00 gacha belgilashni taklif qildi.

Ish kunining davomiyligi o‘zgarmaydi — xodimlar ishni bir soat ertaroq boshlaydi va yakunlaydi.

Yo‘l harakatini tashkil etish markazi tahliliga ko‘ra, ish vaqtining boshlanishini o‘zgartirish ertalabki tig‘iz vaqtda yo‘llardagi yuklamani kamaytirishi mumkin. Tushlik vaqti ham yangi grafik asosida o‘zgartiriladi.

Taklif jamoatchilik muhokamasiga qo‘yildi. So‘rovnoma natijalari 28-avgust kuni sarhisob qilinadi. Tashabbus qo‘llab-quvvatlansa, u kasaba uyushmalari bilan kelishish uchun yuboriladi.