Buxoroda yangi bosh reja tasdiqlandi

Bosh reja hukumatning 2026-yil 23-iyuldagi qarori bilan tasdiqlandi.

Hujjatga koʻra, quyidagi oʻzgartirishlar nazarda tutilgan:

• Buxoro hududi 7966,78 gektardan 11847,06 gektarga koʻpayadi;
• aholi soni 289,19 ming kishidan 385 ming kishiga oshadi;
• uy-joy fondi maydoni 4,45 million kvadrat metrdan 8,08 million kvadrat metrgacha oshadi;
• bir kishini uy-joy bilan ta’minlash 15,4 kvadrat metrdan 21 kvadrat metrgacha oshadi;
• magistral koʻchalar uzunligi 102,6 kilometrdan 203 kilometrga koʻtariladi;
• jamoat transporti yiliga 163,8 million yoʻlovchiga xizmat koʻrsatish imkoniyatiga ega boʻladi.

Shuningdek, yangi jamoat majmualarini qurish, madaniy-maishiy va kommunal ob’ektlarni modernizatsiya qilish, shuningdek, shaharning boʻsh hududlarini rivojlantirish rejalashtirilgan.