Oʻzbekiston fond birjasida bugʻdoy, rux va ammiakli selitra narxi arzonlashdi

Oʻzbekiston Respublika tovar-xomashyo birjasida 13-iyuldan 19-iyulgacha boʻlgan davrda 42 480 ta bitim tuzildi, bu oʻtgan haftaga nisbatan 0,8 foizga koʻpdir. Bitimlarning yarmidan koʻpi birja savdolari orqali, qolgan qismi elektron tijorat tizimlari orqali amalga oshirildi.

Oʻzbekiston eksport bozori ma’lumotlariga koʻra, davlat xaridlari boʻyicha elektron savdolar chogʻida byudjet va korporativ buyurtmachilar tomonidan 122,1 milliard soʻm iqtisod qilingan. Bundan tashqari, onlayn-auksion orqali 156 ta telefon raqamlari sotildi.

Hisobot haftasida ochiq birja savdolarida 22 154 ta bitim tuzildi. Shu bilan birga, bir qator tovarlar narxining pasayishi qayd etildi. Bugʻdoy bozorida 97,4 ming tonna mahsulot sotildi. Har kuni auktsionda oʻrtacha 174 nafar xaridor ishtirok etdi. Bir tonna bugʻdoyning oʻrtacha narxi hafta davomida 3,424 million soʻmdan 3,390 million soʻmgacha pasaydi.

Rux metall bozorida ham pasayish qayd etildi. Kim oshdi savdosiga qoʻyilgan 5,1 ming tonna mahsulotning 286 tonnasi sotilgan. Bir tonnaning oʻrtacha tannarxi 48,718 million soʻmdan 48,639 million soʻmga kamaygan.

Ammiakli selitra ham arzonlashdi. Hafta davomida birja orqali 24,25 ming tonna oʻgʻit sotildi. Har kuni auktsionda oʻrtacha 1583 nafar xaridor ishtirok etdi. Bir tonna selitraning oʻrtacha birja narxi 3,859 million soʻmdan 3,799 million soʻmgacha pasaydi.

Barcha mahsulotlar boʻyicha haftalik takliflar Oʻzbekiston Respublika tovar-xom ashyo birjasining rasmiy sahifasida nashr etilgan.