Floridadagi Palm Beach aeroporti rasman Tramp nomiga oʻzgartirildi

Floridadagi Palm-Bich xalqaro aeroporti rasman prezident Donald Tramp nomini oldi. Nomni oʻzgartirish 9-iyul kuni gubernator Ron DeSantis tomonidan tegishli shtat qonuni imzolanganidan keyin kuchga kirdi.

Tramp ushbu aeroport orqali muntazam parvoz qiladi: u Mar-a-Lagodagi qarorgohidan bir necha mil uzoqlikda joylashgan. Har yili aeroport orqali 8 milliondan ortiq yoʻlovchi oʻtadi, ularga oʻndan ortiq aviakompaniyalar xizmat koʻrsatadi.

FAA va ICAO aviatsiya identifikatorlari allaqachon mos ravishda DJT va KDJT ga oʻzgartirilgan. IATA yoʻlovchi kodi PBIdan DJTga keyinroq – 2026-yil 18-avgustdan boshlab oʻzgaradi. Ungacha chiptalarni bron qilishda avvalgi PBI kodidan foydalaning.

Shunga qaramay aeroportning egalik huquqi, boshqaruvi va operatsion nazorati Palm-Bich okrugida qoladi. Nomini oʻzgartirish qiymati 5,5 million dollarga baholanmoqda, shundan 2,75 million dollari 2026-2027 yillarga moʻljallangan davlat byudjetidan ajratiladi.